Bim Goldige Schnitt (latiinisch: sectio aurea) oder au bi dr Goldige Däilig – sältener bim Göttlige Schnitt oder bi dr Göttlige Däilig (latiinisch: proportio divina) – entstoot e bestimmts Verheltnis zwüsche zwäi Zaale oder zwäi Gröössene. Das Verheltnis isch die Goldigi Zaal (Phi) (oder s Goldige Verheltnis oder s Göttlige Verheltnis) und het dr Wärt
Zum Bischbil stöön zwäi Däil von ere Strecki im Verheltnis , wenn sich dr gröösseri zum chliinere Däil verhelt wie die ganzi Strecki zum gröössere Däil.
Streckeverheltniss wie bim Goldige Schnitt wärde sit dr griechische Antike as dr Imbegriff vo dr Esthetik und Harmonii aagluegt. Si wärde as ideali Proporzioone in dr Kunst und dr Archidektuur aagwändet, chömme aber au in dr Natur vor. S Goldige Verheltnis findet mä hüfig bi dr Bildkomposizioon in dr Moolerei und es wird hüte vilmol in dr Fotografii verwändet. Es het e Räije vo bsundrige mathematische Äigeschafte.
In dr Umgangssprooch brucht mä dr Goldig Schnitt au für die Goldigi Zaal bezieigswiise für s Goldige Verheltnis.